Украины нийслэл Киевт өнөөдөр зохион байгуулсан дээд хэмжээний уулзалтад Европын гурван орны удирдагч оролцжээ. Энэ талаар Украин Улсын Ерөнхийлөгч Владимир Зеленский “Украинд тулгарсан хүнд, хэцүү цагт Европын гурван удирдагч манай оронд айлчилж байгаа нь маш том дэмжлэг үзүүлж байгаагийн илрэл юм” хэмээн өөрийн албан ёсны “Telegram” хуудсаараа дамжуулан мэдээлсэн байна.

Тэгвэл мөн өнөөдөр болсон Орос, Украины төлөөлөгчдийн ээлжит хэлэлцээ үр дүнд хүрэлгүй түр завсарласан аж. Түр завсарлагаанаар хэлэлцээрийн шатны дэд бүлгүүдийг хэлэлцэж, хүмүүнлэгийн асуудлыг ярилцах гэнэ.