АНУ, БНХАУ-ын дээд албан тушаалтнуудын уулзалт өнөөдөр Ромд болно. Тэгвэл тус дээд хэмжээний уулзалтаас өмнө нэрээ нууцалсан эх сурвалж барууны хэвлэлүүдэд “ОХУ БНХАУ-аас цэргийн тусламж үзүүлэхийг хүссэн” гэх мэдээлэл өгчээ. Одоогийн байдлаар АНУ дахь БНХАУ-ын Элчин сайдын яамнаас “Хүсэлтийн талаар мэдээгүй” гэж мэдэгдээд байгаа ч, Вашингтоноос “Хэрэв БНХАУ-аас ОХУ-д цэргийн тусламж үзүүлбэл хатуу арга хэмжээ авна. Муу үр дагаварт хүрэх болно” гэж мэдэгдсэн байна.

           Барууны хэвлэлүүдийн мэдээлж байгаагаар Орос, Украины мөргөлдөөн эхэлснээс хойш БНХАУ-аас ОХУ-д эдийн засгийн болон цэргийн хүчтэй дэмжлэг үзүүлж байгаа ч, түүнийгээ олон нийтэд мэдэгдэж, ил болгоогүй гэнэ. Харин хоёр орны мөргөлдөөний асуудалд төвийг сахиж байгаа орнууд “НАТО болон ОХУ-ын хооронд мэдээллийн дайн болж байна” гэж мэдэгдээд байгаа юм.