Владимир Путины гаргасан шийдвэрийн дагуу Оросын цэргийн хүч Украин руу нэвтэрч, тус улсын томоохонд хотуудад цохилт өгч, цэргийн штаб, нисэх онгоцны буудал, зэвсгийн агуулахуудыг нь бөмбөгдөөд байна.

           Тэгвэл Украинд үүссэн нөхцөл байдалтай холбоотойгоор Цагаан ордноос мэдэгдэл хийжээ. Тус мэдэгдэлд “АНУ-ын Ерөнхийлөгч Жо Байден Украин руу цэрэг илгээх бодолгүй байгаа” тухай дурдсан аж. Украин Улсын албаныхны мэдээлснээр тус улсын Ерөнхийлөгч Владимир Зеленский АНУ-ын Ерөнхийлөгч Жо Байдентай утсаар ярьсан. Харин Америкийн төрийн тэргүүн Жо Байден “Маргааш дэлхийд эдийн засаг, хөгжлөөрөө тэргүүлдэг “Их долоо” бүлгийн дээд хэмжээний уулзалтыг яаралтай зохион байгуулж, ОХУ-д хатуу хориг арга хэмжээ авна” гэж мэдэгдсэн байна.

           ОХУ, Украины дундах дайнд Жо Байден цэргийн хүчээр оролцох бодолгүй байгаа бөгөөд эдийн засаг, хилийн хориг арга хэмжээ авч ажиллах хандлагатай байгааг олон улсын улстөрийн “Politico” сайт онцолжээ.