Туул голын эрэг дээр тоглож байсан дөрвөн настай хүү М усанд осолдож, амиа алджээ. Тодруулбал, өчигдөр буюу тавдугаар сарын 17-нд талийгаач Баянзүрх дүүргийн 20 дугаар хороо Туул голын эрэг дээр тоглож байгаад хальтарсны улмаас усанд осолдсон байна. Эх сурвалжийн мэдээлж буйгаар тухайн үед талийгаач хүүгийн ээж болох 46 настай О согтууруулах ундааны зүйл хэрэглэсэн байж болзошгүй байна. Уг хэргийг Баянзүрх дүүргийн Цагдаагийн III хэлтэст шалгаж байгаа аж.  

Эл хэргийн талаарх дуудлага мэдээллийг Онцгой байдлын газар өчигдөр 17:47 цагт хүлээн авчээ. Дуудлагын дагуу Налайх дүүргийн Онцгой байдлын хэлтсийн Гал түймэр унтраах, аврах 28 дугаар ангийн алба хаагчид 18:30 цагт Туул голд очиж, цогцсыг эрэн хайсан ч олоогүй учир тус өдрийн 20:50 цагт эрлийг зогсоожээ. Өнөөдөр буюу тавдугаар сарын 18-ны 06:40 цагт эрлийг дахин эхлүүлсэн байна.