Сүүлийн дөрвөн хоногт буюу дөрөвдүгээр сарын 19-22-ны хооронд гол мөрөнд зургаан хүүхэд живж, осолджээ. Тодруулбал, Төв аймгийн Мөнгөнморьт сумын Зүүн багт амьдардаг малчин Б-ийн 1.8 сартай охин дөрөвдүгээр сарын 20-нд тогтоол усанд живж, амиа алджээ. Харин дөрөвдүгээр сарын 21-нд Хөвсгөл аймгийн Тосонцэнгэл суманд таван сартай нярай А, найман настай Б нар Сэлэнгэ мөрөнд осолдож, амиа алдаад байна. Одоогийн байдлаар таван сартай нярайгийн цогцсыг олж, уснаас гаргаад байгаа аж. Харин найман настай охины цогцсыг эрэн хайх ажиллагаа үргэлжилж байна.

Мөн Завхан аймгийн Цагаанхайрхан суманд дөрөвдүгээр сарын 19-нд зургаан настай хүүхэд голд осолдож, амиа алдсан харамсалтай хэрэг гарчээ. Ховд аймгийн Үенч, Төв аймгийн Сэргэлэн суманд гурван настай хүүхэд голын усанд живж, амиа алдсан байна.