Иргэн О-г цагдаагийн байгууллагаас эрэн сурвалжилж байгаа талаар мэдээлсэн билээ. Тодруулбал, тэрбээр Төв аймгийн Баянчандмань сумын нутаг дэвсгэрт хүн хүчиндэх гэмт хэрэг үйлдэж, цагдаагийн байгууллагат шалгагдаж байх хугацаандаа сураггүй алга болсон юм. Мөн Хан-Уул, Сүхбаатар дүүргийн нутаг дэвсгэрт зургаан удаагийн үйлдлээр бусдыг залилаж, их хэмжээний хохирол учруулсан хэрэг яллагдагчаар татагдаад байсан гэнэ.

Тэгвэл шалгагдаж байх хугацаандаа оргон зайлсан иргэн О-г цагдаагийн байгууллагаас баривчилсан талаар ЦЕГ-ийн Хэвлэл мэдээллийн төвөөс мэдээллээ.