“Эрдэнэт” үйлдвэрийн хоёр ажилтныг АТГ-аас саатуулжээ. Тодруулбал, уулын баяжуулах “Эрдэнэт” үйлдвэрийн Худалдан авалт, хангамжийн хэлтсийн орлогч дарга Ж.Ганзориг болон тус хэлтсийн мэргэжилтэн М.Марал-Эрдэнэ нарыг эрх мэдэл, албан тушаалан урвуулан ашиглаж, бусдад давуу байдал олгосон, тендерт будлиан үүсгэсэн, үндэслэлгүйгээр хөрөнгөжсөн хэмээн АТГ-аас шалгаж, цагдан хорьсон байна.  

Энэ талаар “Эрдэнэт” үйлдвэрийн Олон нийттэй харилцах албанаас тодруулахад "Ж.Ганзориг гэдэг нь хүн нь хоёр жилийн өмнө хэлтсийн дарга байсан. Одоогоор Худалдан авалт, хангамжийн хэлтсийн менежерийн албыг хашдаг. АТГ-аас шалгагдаж байгаа нь үнэн гэсэн. Гэхдээ одоогоор манайд баривчилсан гэдэг мэдээлэл ирээгүй байна" гэв