Орон сууц, нийтийн аж ахуйн удирдах газар нь Олон улсын маркетинг менежментийн академитай хамтран хүний нөөцийн болон дотоод ажил хариуцсан мэргэжилтнүүдэд зориулсан сургалт хийлээ. Сургалтад салбар хэрэглэгчдэд үйлчлэх төвүүдийн дотоод ажил хариуцсан зургаан мэргэжилтэн, Захиргаа, удирдлагын хэлтсийн хүний нөөцийн дөрвөн мэргэжилтэн хамрагдсан юм.

 Сургалтыг нээж Захиргаа удирдлагын хэлтсийн дарга Д. Алтангэрэл “Байгууллагууд өмнө нь сайн зохион байгуулалтын бүтцийг бий болгох менежментийн арга илүү хэрэглэдэг байсан. Харин орчин үед байгууллагын бүтэц зохион байгуулалт нь технологийн хөгжил, даяарчлал хийгээд цар тахлын нөлөөгөөр хувьсан өөрчлөгдөж байна. Тиймээс оновчтой бүтэц гэхээсээ илүү хүний нөөцийн хөгжлийг чухалчилдаг болсон” гэлээ. Сургалт нэг сарын хугацаанд үргэлжилэх юм.