Төв аймгийн төвөөс зүүн зүгт 229 километр, Мөнгөнморьт сумын Жаргалант багийн “Жаргалантын-Адаг” гэдэг газарт 43 настай, эрэгтэй Б өчигдөр буюу гуравдугаар сарын 3-нд малын эрэлд яваад сураг тасарсан тул эрэн хайж байгаа талаар Онцгой байдлын ерөнхий газраас мэдээлсэн. Улмаар тус аймгийн Мөнгөнморьт сумын Гал түймэр унтраах, аврах 75 дугаар анги, Цагдаагийн хэсгийн алба хаагчид 43 настай малчин Б-г эрэн хайх ажиллагаа 02:40 цагт зохион байгуулсан юм. Тэгвэл эрэн хайх ажиллагааг эхлүүлснээс зургаан цагийн дараа буюу өнөөдөр 08:20 цагт Жаргалант багаас зүүн зүгт 26 километр зайд байрлах газраас малчин Б-г эсэн мэнд олжээ.