Хошин шогийн жүжигчин Д-гийн автомашинаас нас барсан байдалтай олсдоэ, 83 настай талийгаач Д.Дүүрэнгийн хэргийг хаажээ.  Талийгаач ил харагдах гэмтэл шархгүй, осгосон байдалтай олдсон бөгөөд өнгөрөгч хоёрдугаар сард хэргийн мөрдөн шалгах ажиллагаа дуусч, хэрэг хаагджээ. Тодруулбал, эл хэргийг гэмт хэргийн шинжгүй хэмээн үзсэн байна.

Хэргийн эргэн сануулбал, өнгөрсөн арванхоёрдугаар сарын 15-нд 83 настай Д гэрээсээ гараад сураггүй алга болсон. Тэрбээр гэрээсээ гарахдаа бор өнгийн малгайтай куртик, эрээн ороолт, хар өнгийн саравчтай ноосон малгай, цэнхэр жинсэн өмд, саарал өнгийн үдээстэй пүүзэн гуталтай гарсан байдаг. Ар гэрийнхэн нь түүнийг 18 хоног хайсан бөгөөд өнгөрсөн нэгдүгээр сарын 3-нд хошин шогийн жүжигчин Д-гийн автомашинаас осгосон байдалтай олдсон юм. Жүжигчин Д цагдаагийн байгууллагад өгсөн мэдүүлэгтээ “Автомашины аккумлятор суусан учраас хаалгыг нь хааж чадалгүй ... дугаар байрны гадаа онгорхой орхисон. Арав гаруй хоногийн дараа машин дээрээ очиход дээрх талийгаач осгосон байдалтай байсан” гэсэн байдаг.