Малдаа яваад ор сураггүй болсон эрэгтэйн цогцсыг нэг хоногийн дараа олжээ. Тодруулбал, Ховд аймгийн Чандмань сумын Талын булаг багийн малчин М хоёрдугаар сарын 13-ны 09:00 цагт малдаа яваад сураггүй болжээ. Энэ тухай мэдээллийг хоёрдугаар сарын 14-ний 16:30 цагт Онцгой байдлын газар хүлээн авсан байна. Дуудлагын дагуу  тус сумын ЗДТГ-ын ажилтнууд, ар гэрийнхэн нь эрэн хайх ажиллагааг зохион байгуулж, мөн өдрийн 17:40 цагт гэрээс нь баруун хойд зүгт 10 км-т Бэлчирийн рашаан гэдэг газраас цогцсыг олж, цагдаагийн байгууллагад шилжүүлжээ.