Баянхонгор аймгийн Бууцагаан сумын Наран багийн Сайхан хашаат гэдэг газар өвөлжиж байсан малчин О нь хоёрдугаар сарын 6-ны өдөр гэрээсээ явганаар гараад, сураггүй алга болжээ. Энэ тухай дуудлагыг хоёрдугаар сарын 8-ны 15:50 цагт Онцгой байдлын газарт ар гэрийнхэн нь өгсөн байна.

Дуудлагын дагуу тус аймгийн Онцгой байдлын газрын Бууцагаан сум дахь Гал түймэр унтраах, аврах 72 дугаар анги, цагдаагийн хэсгийн алба хаагчид, ар гэрийнхэн тухай өдрийн 16:30 цагаас эрэн хайх ажиллагааг зохион байгуулжээ. Эрэн хайж байх явцад 34 настай, эрэгтэй О тус сумын Буянт багийн иргэн Ц-ийнд эсэн мэнд очсон байсан тул эрэн хайх ажиллагааг зогсоосон байна. Алга болсон эрэгтэй нь сэтгэцийн эмгэгтэй аж.