АТГ-ын Мөрдөн шалгах хэлтэс энэ оны нэгдүгээр сарын 25-29-ний өдрүүдэд гэмт хэргийн шинжтэй 18 гомдол, мэдээлэл хүлээн авчээ. Нийт 90 гомдол, мэдээллийг шалгасан байна. Үүнээс 10 гомдол, мэдээлэлд хэрэг бүртгэлтийн хэрэг нээж, 13-т нь хэрэг бүртгэлтийн хэрэг нээхээс татгалзах саналтайгаар прокурорт шилжүүлжээ.

Харин нэг гомдлыг харьяаллын дагуу шилжүүлсэн байна. Ажиллагаанд одоогоор 66 гомдол, мэдээлэл шалгагдаж байгаа аж. Өнгөрсөн долоо хоногт эрүүгийн 523 хэрэгт мөрдөн байцаалтын ажиллагаа явуулснаас хоёр хэргийг шүүхэд шилжүүлэх, есөн хэргийг хаах, нэг хэргийг нэгтгэж, нэг хэргийг харьяаллын дагуу шилжүүлэх саналтай прокурорт шилжүүлэв.  Одоогоор ажиллагаанд 510 хэрэг шалгагдаж байна.