Ор сураггүй алга болсон иргэнийг эсэн мэнд олжээ. Тодруулбал, Архангай аймгийн Булган сумын Тамир багийн Байц гэдэг газраас 56 настай, эрэгтэй самар түүхээр яваад ор сураггүй алга болсон байна. Энэ тухай дуудлагыг нэгдүгээр сарын 21-нд онцгой байдлын албанд ирүүлжээ. Дуудлагын дагуу тус аймгийн Онцгой байдлын газрын Эрэн хайх, аврах салбарын алба хаагчид, тус сумын ЗДТГ-ын ажилтнууд болон ар гэрийнхэн нь эрэн хайх ажиллагааг зохион байгуулж, нэгдүгээр сарын 22-нд эсэн мэнд олжээ. Төөрсөн эрэгтэйг отоглож байсан газраас нь баруун хойд зүгт 10 км-т Тун цагаан нуур  гэдэг газраас эсэн мэнд олж, иргэн О-д хүлээлгэн өгсөн байна.