Зэвсэгт хүчний алба хаагч амиа алдсан асуудалтай холбоотой Зариг.мн мэдээллийн сайтаас "Дахиад өгөх амв алга, одоо зогсоо" хэлэлцүүлгийг зохион байгуулж байна. Энэ үеэр цэрэгт яваад хохирсон алба хаагч болон ар гэрийнхэн байр сууриа илэрхийлж байна.

ЦЭРГИЙН АЛБАНД ОЧООД ХӨЛГҮЙ БОЛСОН ХОХИРОГЧ:  Би Өмнөговь аймгийн Сайн цагаан суманд амьдардаг. 167 дугаар ангид цэргийн алба хаасан. 2006 онд цэргийн албанд татагдаж, 2007 онд халагдсан.  Цэргийн алба хааж байхдаа сургалтын байлдааны суманд өртөж, хөлгүй болсон. Цасан шуургатай үед сургалт хийсэн. Бээрсэн байдалтай байсан учраас дутуу гранатаа шидсэн болов уу. Ингээд буцаад дэлбэрсэн. Цагдаагийн байгууллагаас намайг техникийн алдаа гаргасан гээд хэрэг хаагдсан. 

ЗЭВСЭГТ ХҮЧНИЙ ХУУРАЙ ЗАМЫН ЕРӨНХИЙ КОМАНДЛАГЧ, БРИГАДЫН ГЕНЕРАЛ Ч.ЦОГТЖАРГАЛ: Цэргийн алба хаагч цэрэгт татагдсан бол цэргийн бүр зэвсэгтэй харилцдаг. Сургалт төлөвлөсөн хугацааны дагуу явдаг. Бид  байлдааны өмнөх бэлтгэл хийж байгаа учраас цас бороотой байсан ч явуулах ёстой. Хөдөлмөрийн аюулгүй байдал алдагдсан юм байна. Иймд энэ асуудлыг дахин судлаад, эргэн уулзаж, дэмжлэг үзүүлэх тал дээр анхаарна.