Өвөрхангай аймгийн Арвайхээр сумын Хүйс толгойн нэгдүгээр гудамжинд суудлын  автомашин өндөр хүчдэлийн цахилгаан дамжуулах агаарын шугамын тулгуур багана мөргөж, автомашины төмөр хийцэд хүн хавчуулагдсан тухай дуудлага хоёрдугаар сарын 22-ний өдрийн 23:44 цагт онцгой байдлын газарт иржээ.

  Дуудлагын дагуу тус аймгийн Онцгой байдлын газрын Эрэн хайх, аврах салбарын алба хаагчид очиход согтууруулах ундааны зүйл хэрэглэсэн “Гранд марк-2” загварын суудлын автомашины жолооч болох  Б, зорчигч Ш болон Б нарыг гарган авч бүсийн оношилгоо эмчилгээний төвийн жижүүр эмчид хүлээлгэн өгч, автомашины төмөр хийцэд хавчуулагдан нас барсан 11 настай хүүгийн  цогцсыг гаргаж, аймгийн Цагдаагийн газрын жижүүрийн бүрэлдэхүүнд шилжүүлэн өгчээ.