Явган хүний гарцаар гарч байсан таван настай хүүхдийг дайрч амь насыг нь хохироосон осол өчигдөр гарчээ.
Тодруулбал, Хан-Уул дүүргийн VI хороо Чингисийн өргөн чөлөө, Яармагийн эмнэлгийн хойд зам, явганы гарцан дээр 16:48 цагийн орчимд BMW X3 маркийн автомашины жолооч Б явган зорчигч Б, О нарыг мөргөсөн байна. Ослын улмаас есөн настай эрэгтэй О гэмтэж,  таван настай эмэгтэй Б-н амь насыг хохироосон гэж Тээврийн цагдаагийн албанаас мэдээллээ.

Жолооч нараа явган хүний гарц руу ойртон ирэхдээ хурдаа хасч, гарцаар гарч буй явган зорчигчид зам тавьж өгөх, эцэг эхчүүд 10 хүртэлх насны хүүхдийг харгалзах хүнгүйгээр замын хөдөлгөөнд явганаар оролцуулахгүй байхыг анхааруулж байна.