Цагдаагийн байгууллагад өчигдөр 1662 дуудлага, мэдээлэл бүртгэгджээ. Бүртгэгдсэн дуудлагын 1331 нь зөрчлийн шинжтэй, 63 нь гэмт хэргийн шинжтэй дуудлага байсан аж. Үүнээс гэр бүлийн хүчирхийллийн дуудлага 128 бүртгэгджээ. Мөн согтууруулах ундаа хэрэглэсэн үедээ автомашин жолоодсон 54 хүн байсан бөгөөд 144 хүнийг эрүүлжүүлжээ. Түүнчлэн Архидан согтуурахтай тэмцэх тухай хууль зөрчсөн тухай 101 дуудлага ирсэн байна. Үүнээс гадна, олон нийтийн газар зүй бусаар биеэ авч яван, танхайрсан тухай 118, оршин суугчдын амгалан тайван байдал алдагдуулсан  104, хүний биед зүй бусаар халдсан тухай 51 дуудлага ирсэн бөгөөд хулгайн гэмт хэрэг 12 бүтгэгджээ.