Сонгинохайрхан дүүргийн АН-ын гишүүд, орон нутгийн сонгуульд тус дүүргээс нэр дэвшиж дэр дэвшигчид архидан согтуурч, нэгнийгээ хутгалсан байж болзошгүй мэдээлэл цахим сүлжээнд цацагдсан билээ. Тодруулбал, аравдугаар сарын 4-5-нд шилжих шөнө намын штабтаа архидан согтуурч, гэмт хэрэг үйлдсэн байж болзошгүй. Хутгуулсан иргэний биеийн байдал хүнд, Гэмтэл согог судлалын үндэсний төвд хүргэгдсэн тухай мэдээлэл юм.  

Тэгвэл энэ талаар ЦЕГ-ын Хэвлэл мэдээллийн төвийн дарга Г.Пүрэвдэлгэрээс тодруулахад “Сонгинохайрхан дүүргийн Ардчилсан намынхан согтуурч, танхайрсан байж болзошгүй дуудлага, мэдээлэл бүртгэгдсэн. Шалгалтын ажиллагаа явуулахад нэгнийгээ хутгалсан гэмт хэргийн шинжтэй зүйл тогтоогдоогүй. Харин танхайрсан үндэслэлээр Зөрчлийн хэрэг нээн шалгаж байна. Уг зөрчлийн хэрэгт холбогдсон хүмүүс нь АН-ын штабт ажиллаж байсан юм билээ” гэв.