Хөвсгөл аймагт аялал жуулчлалын цар хүрээг өргөтгөх, цаатан иргэдийн соёлыг дэлхий нийтэд таниулах, сурталчлах зорилгоор жил бүр уламжлал болон зохион байгуулдаг "Цаатан фестиваль" долдугаар сарын 6-7-ны өдрүүдэд Монтрэйвэл компаний Далай тур жуулчны баазад болжээ

Тус аймагт  халх, дархад, цаатан, урианхай, буриад, хотгойд зэрэг олон ястан амьдардаг.  Тайгад цаа маллан  жилийн дөрвөн улиралд нүүдэллэн амьдардаг иргэдийг Цаатан иргэд гэдэг.  Монгол орны хоймор нутагт өв уламжлалаа хадгалан амьдарч байгаа цаатан иргэдийн өвөрмөц аж амьдралын соёл, ёс заншил, цаатан бөөгийн ёс заншлыг түгээн дэлгэрүүлэх, нутгийн иргэдийн амьжиргааны түвшнийг сайжруулах, орлогыг нэмэгдүүлэх зорилгоор 17 дахь жилдээ  зохион байгуулжээ.