УИХ дахь намын бүлгүүд өнөөдөр хуралдсан. Өнөөдрийн МАН-ын бүлгийн хуралд УИХ-ын дарга Г.Занданшатар оролцож, Ерөнхий сайд Л.Оюун-Эрдэнэ үг хэлээд хурлын танхимаас гарчээ. Тэгвэл МАН-ын бүлгийн хуралд яригдсан Хөрөнгө оруулалтын тухай хуулийн талаар МАН-ын бүлгийн дарга Д.Тогтохсүрэн мэдээлэл өглөө.

Тэрбээр “Хөрөнгө оруулалтын тухай хуулийн төслийг хэлэлцэх эсэхийг шийдсэн. Харин иргэд уг хуулийн төслийг баталчихсан юм шиг ойлгоод байна. Хууль өргөн барьсан гишүүдээс мэдэгдэл хийж, нэрээ хэлсэн байна. Журмаараа, дэгээрээ өргөн барьсан гишүүдийн 50 хувь нэрээ татсан бол тухайн хуулийг татдаг. Тиймээс энэ хууль татагдах байх гэж бодож байна” хэмээсэн юм.