УИХ-ын нөхөн сонгуулийн ирц, саналын мэдээллийг шууд дамжуулан хүргэж байна. 22:45 цагийн байдлаар Хэнтий аймгийн 89 хэсгийн хорооны 62-ийнх нь мэдээлэл нэгдсэн системд орсон бөгөөд 22:45 цагийн байдлаар Ц.Идэрбат 11635, Б.Гарамгайбаатар 3149, Чингисхаан 497, А.Бархүү 225, Д.Баатаржав 163, Д.Чулуунбат 136 санал аваад байна.

    Өнөөдөр өгсөн саналын хуудсыг санал тоолох машинд уншуулахаас гадна гараар тоолж хяналтын тооллого хийнэ. Яг одоо хэсгийн хороодод хяналтын тооллого хийж эхэлсэн. Үлдсэн саналын хуудсыг тоолж лацдаад хамгаалалтад авах аж. Нэмэлт санал хураалтад өнөөдөр санал өгсөн сонгогчид оролцохгүй. Учир нь тэдний саналыг тоолсон буюу тооцсон. Ирц хүрээгүй хэсгийн хороодод нэмэлт санал хураалт явуулах эсэх шийдвэрийг Сонгуулийн ерөнхий хорооны хуралдаанаар шийдвэрлэх юм. Тиймээс Сонгуулийн Ерөнхий хороо маргааш хуралдана.