Монгол Улс долоо дахь удаагаа Өршөөлийн тухай хууль баталж, энэ сарын 6-ны өдрөөс хэрэгжиж эхэлсэн. Тэгвэл үүнтэй холбоотойгоор 2017 оны долдугаар сарын 1-нээс 2021 оны зургадугаар сарын 24 хүртэлх хугацаанд жолоодох эрхээ хасуулсан жолооч нарын эрхийг сэргээжээ.

Өршөөлийн тухай хуульд:

Өршөөлд хамруулахгүй болон ялаас хасах, хорих ялыг зорчих эрхийг хязгаарлах ялаар солихоор зааснаас бусад хөнгөн гэмт хэрэг үйлдэж Эрүүгийн хуулийн 6.7 дугаар зүйлийн 1 дэх хэсгийн 1.1, 1.2 дахь заалт, 7.1 дүгээр зүйлд заасан журмын дагуу тэнссэн, 7.6 дугаар зүйлд заасан хорих ял оногдуулсан шүүхийн шийтгэх тогтоол биелүүлэхийг хойшлуулсан, 8.6 дугаар зүйлд заасан өсвөр насны хүнд хорих ял оногдуулсан шүүхийн шийтгэх тогтоол биелүүлэхийг хойшлуулсан хугацааг тус тус өршөөн хэрэгсэхгүй болгоно.