Өнөөдөр морь цагт Монгол Улсын шинэ Ерөнхийлөгч У.Хүрэлсүх тангарагаа өргөнө. Тэгвэл шинээр байгуулагдаж буй Ерөнхийлөгчийн тамгын газрын даргаар Я.Содбаатар томилогдохоор болжээ.

Я.Содбаатар нь шинэ Ерөнхийлөгч У.Хүрэлсүхтэй МАСЗХ-ны үеэс гар нийлж, хамтран ажиллаж эхэлсэн. Монгол Улсын 31 дэх Ерөнхий сайдаар У.Хүрэлсүх томилогдохдоо Я.Содбаатарыг Шадар сайдаар дэргэдээ авч, гол ажлуудаа хариуцуулж байсан билээ. 

Монгол Улсын шадар сайдаар ажиллаж байсан Я.Содбаатарын товч намтар.

Боловсрол: 

• 1992 онд Өвөрхангай аймгийн Хархорин сумын 1 дунд сургууль
• 1997 онд Технологийн дээд сургууль
• 2004 онд Удирдлагын академи
• 2015 онд  Монгол Улсын Боловсролын их сургуулийг тус тус төгссөн. Физикч-инженер мэргэжилтэй, шинжлэх ухааны докторын зэрэгтэй.

Ажилласан байдал:

• 1997-1999 онд  ШУА-ийн харьяа Дулаан техник, үйлдвэр, экологийн хүрээлэнд эрдэм шинжилгээний ажилтан
• 1999-2005 онд Монголын Ардчилсан Залуучуудын социалист холбооны Нарийн бичгийн дарга, II ерөнхий нарийн бичгийн дарга
• 2005-2008 онд Үйлдвэр худалдааны сайдын зөвлөх
• 2009-2011 онд Мэргэжлийн хяналтын ерөнхий газрын дарга
• 2011-2012 онд Монгол Ардын намын Нарийн бичгийн дарга
• 2012-2020 онд Монгол Улсын Их хурлын гишүүн
• 2018-2019 онд Монгол Улсын Засгийн газрын гишүүн, Зам, тээврийн хөгжлийн сайд
• Монгол Улсын Шадар сайдаар тус тус ажилласан юм.