Монгол Улсын Засгийн газрын ээлжит хуралдаан өнөөдөр болсон. Засгийн газрын хуралдаанаас гарсан шийдвэрийг Сангийн сайд Б.Жавхлан танилцууллаа.

            Тэрбээр “2021 оны арваннэгдүгээр сарын 15-нд энэ жилийн төсөв батлагдсан. Одоо 65 дахь хоногтоо үргэлжилж байна.

            2022 онд нийт 717 төсөл, арга хэмжээнд 3.1 их наяд төсөв тусгасан. Тэгвэл  өчигдөр буюу нэгдүгээр сарын 18-ны байдлаар 140 гаруй төслийг зарлаж, 19.5 хувийн гүйцэтгэлтэй байгааг хангалтгүй байна гэж үзсэн. Тиймээс Монгол Улсын Ерөнхий сайд төсвийн ерөнхий захирагч нарт гуравдугаар сарын 1 гэхэд бүх тендерээ зарлах хатуу үүрэг өгсөн” гэв.