• Өнөөдөр 2026-03-20

"Монголын сайхан бичигтэн” уралдааны бяцхан оролцогч Ж.Ундрал: Үндэсний бичиг соёлоо хайрлан, түгээн дэлгэрүүлэхийг хүсдэг

2023-01-26,   854

     “Монголын сайхан бичигтэн” 26 дахь улсын уралдаан энэ сарын 20-нд болж, шилдгүүдээ тодруулсан. Энэ удаагийн уралдааны хамгийн бяцхан оролцогчоор Сүхбаатар дүүргийн 134 дүгээр сургуулийн хоёрдугаар ангийн сурагч Ж.Ундрал шалгарсан юм. Тус уралдааны бичвэрийн бус төрөлд тусгай байр эзэлсэн түүнтэй ярилцлаа. 
 
-Юуны өмнө “Монголын сайхан бичигтэн” уралдааны бичвэрийн бус төрөлд тусгай байр эзэлсэнд баяр хүргэе ээ. Шагнал авахад ямар санагдсан бэ?
 
         -Гоё байсан. Уралдаанд оролцсон ах, эгч нар минь баяр хүргэж, илүү олон уралдаанд оролцоорой гэж хэлсэн.
 
 
-Хэзээнээс монгол бичиг сурсан бэ. Хэн чамд монгол бичиг зааж өгсөн бэ?
 
        -Анх ээж минь надад монгол бичиг зааж өгсөн. Миний ээж бол миний багш. Одоогоор надад монгол бичгийн үсэг зааж байгаа. Цаашлаад уншиж, бичиж сурна.
 
-Чиний хувьд монгол бичгээ сурч байгаа юм байна. Тэгвэл уралдаанд ээжтэйгээ хамт бүтээл хийж оролцсон байсан. Ямар бүтээл байсан бэ?
 
          -Би “Монголын сайхан бичигтэн” уралдаанд бичвэрийн бус төрөлд ээжтэйгээ хамт монгол бичгийн тоогоор шүрэн болон наамал цаг хийж, оролцсон. Мөн энэ удаагийн уралдааны хамгийн бяцхан оролцогч болсон.
 
-Дараа жил монгол бичгээ сураад, уран бичлэгийн төрөлд оролцох уу?
 
         -Монгол бичгээ сураад, дараагийн тэмцээнд үндэсний бичвэрийн төрөлдөө амжилттай оролцоод, тэргүүн байр эзэлнэ гэж бодож байгаа. 
 
-Сайхан бичигтэн тэмцээндээ шагнал авсныг найзууд нь мэдсэн үү. Чамд юу гэж хэлсэн бэ?
 
      -Одоохондоо мэдээгүй байгаа. Ангийн багш чатаар баяр хүргэсэн. Харин хичээл орохоор найзуудтайгаа уулзаж байгаад хэлнэ ээ. Мөн өөрийнхөө хийсэн бүтээлийнхээ талаар ярилцана.
 
-Чи том болоод ямар мэргэжилтэй хүн болно гэж боддог вэ. Мөрөөдлөөсөө бидэнтэй хуваалцаж болох уу?
 
          -Монгол бичгээрээ дагнан суралцаж, үндэсний бичиг, соёлоо хайрлаж, түгээн дэлгэрүүлж явахыг хүсдэг. Мөн эх барих эмч болохыг мөрөөддөг.
 
- “Монголын сайхан бичигтэн” уралдаанд ээжтэйгээ хамт бүтээл хийж оролцсон. Ээждээ болон гэр бүлийнхэндээ хандаж юу гэж хэлмээр байна вэ?
 
        -Хамгийн  түрүүнд ээждээ болон гэрийхэндээ маш их баярлалаа  гэж хэлье. Цаашид их зүйл сурч, аав ээжийнхээ  ачийг хариулна аа.

"Монголын сайхан бичигтэн” уралдааны бяцхан оролцогч Ж.Ундрал: Үндэсний бичиг соёлоо хайрлан, түгээн дэлгэрүүлэхийг хүсдэг
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.eccold.top хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.