Монгол Улсын Ерөнхийлөгч У.Хүрэлсүх өнөөдөр, Төрийн ордонд 11:30 болон 13:00 цагаас төрийн дээд одон медаль гардууллаа. Энэ үеэр бид “Алтан гадас” одон хүртсэн жүжигчин Отгоо буюу Б.Отгонтуяагаас сэтгэгдлийг нь сонслоо.

Тэрбээр, “Баярлалаа. Монголынхоо нийт бүсгүйчүүд, ээжүүдэд “Олон улсын эмэгтэйчүүдийн эрхийг хамгаалах өдөр”ийн мэнд хүргэе. Би өмнө нь цаг сайхан байхад тоглолт ихтэй байдаг учраас баярлаж амждаггүй байлаа. Цар тахлын нөхцөл байдлын улмаас гэр бүлтэйгээ тэмдэглэн өнгөрүүлж байна. Мөн энэ ондоо багтаж “Эрвээхийн сүүдэр” уран сайхны киноны гол дүрд тоглох гэж байна. Тус киногоороо есдүгээр сард үзэгч олонтойгоо уулзах болно. Өнөөдөр үнэхээр сайхан өдөр байна. Тэнгэрт гялалзах “Алтан гадас” одонг энгэртээ зүүсэндээ баяртай байна. Нийт эмэгтэйчүүддээ баярын мэнд хүргэе. Сайхан баярлаарай.