Хүннү гүрний 2232, Их Монгол улсын 817, Үндэсний эрх чөлөө, Тусгаар тогтнолоо сэргээн мандуулсны 112, Ардын хувьсгалын 102 жилийн ойн баяр цэнгэл наадам хязаалан насны морины уралдаанаар эхэлж, Архангай аймгийн Ихтамир сумын харьяат, Говь-Алтай аймгийн Жаргалант сумын уяач Т.Жаргалсайханы халтар үрээ тод магнайд хурдаллаа.

 Хязаалангийн уралдаанд 222 унаач хүүхэд, хурдан хүлэг тоосоо өргөлөө. Уралдааны үеэр нэг хүүхэд унаж, эмнэлгийн байгууллагад хүргэгджээ. Тодруулбал, Төв аймгийн Лүн сумын уугуул, Банзрагчийн Билэгдэмбэрэлийн хул үрээний 10 настай унаач хүүхэд унасан байна. Хүүгийн биеийн байдал хэвийн бөгөөд эмнэлгийн тусламж үзүүлж, гэрийнхэнд нь хүлээлгэн өгсөн талаар албаны эх сурвалж мэдээллээ.