Долоон настай хүүхэд амиа алдсан харамсалтай хэрэг гарчээ. Тодруулбал, Ховд аймгийн Жаргалант сумын Буянт багийн Бугат-Үзүүр гэдэг газар нэг хүүхэд тоног төхөөрөмжид хавчуулагдсан тухай дуудлагыг долдугаар сарын 6-ны 17:35 цагт Онцгой байдлын газар хүлээн авсан байна. Дуудлагын дагуу тус аймгийн Онцгой байдлын газрын Эрэн хайх, аврах ангийн алба хаагчдыг очиход Б /7 настай, эрэгтэй/ тоглож байгаад хөл алдаж хайрга бутлах төхөөрөмжид орооцолдон, дамжуулах төхөөрөмжийн хоолойд гацаж нас барсан байдалтай байжээ. Албан хаагчид хүүгийн цогцсыг гарган аймгийн цагдаагийн газрын мөрдөн байцаагчид шилжүүлэн өгсөн байна.

Иймд иргэд та бүхнийг бага насны хүүхдэдээ тавих анхаарал халамжаа сайжруулахыг сэрэмжлүүлж байна.