Засгийн газрын хэрэгжүүлэгч агентлаг Гэр бүл, хүүхэд, залуучуудын хөгжлийн газрын харьяа байгууллагуудын тайлангийн хурал өнгөрсөн даваа гарагт боллоо. Хуралд Гэр бүл, хүүхэд, залуучуудын хөгжлийн газрын дарга М.Энх-Амар болон агентлагийн газар, хэлтсийн дарга нар мөн Нийслэлийн Гэр бүл, хүүхэд, залуучуудын хөгжлийн газрын дарга Н.Мандуул, “Олон улсын хүүхдийн Найрамдал цогцолбор”-ын захирал Ш.Одончимэг, “Өнөр бүл хүүхдийн төв”-ийн захирал М.Өлзийчимэг, “Хүүхдийн тусламжийн 108 утасны
үйлчилгэний төв”-ийн захирал С.Отгонсүрэн, “Хүүхэд хамгааллын хариу үйлчилгээ, түр хамгаалах байр”-ны зохицуулагч Б.Батсүрэн, “Сургалт, судалгаа мэдээллийн төв”-ийн ахлах мэргэжилтэн Д.Цэрэндулам нар 2020 оны эхний хагас жилийн тайлангаа танилцууллаа. Мөн цаашид хийж хэрэгжүүлэх, төлөвлөж буй болон тулгамдаж буй асуудлуудынхаа талаар ярилцсан юм.