"Сонгдо" эмнэлгийн урд талбайд  иргэн Ц автомашинаа асаалттай орхиж, дотор нь 10 настай хүүхдээ үлдээгээд явжээ. Тэрбээр эмнэлэг орох шаардлагатай учир хүүхдээ автомашиндаа үлдээсэн байна. Гэтэл автомашин ачилтынхан машиныг нь хүүхэдтэй нь цуг ачаад явжээ.

Энэ хэргийг Тээврийн цагдаагийн албанаас шалгаж, ачигч компани журам зөрчсөнийг тогтоосон байна. Иймд тус аж ахуй нэгж байгууллагын үйл ажиллагаа явуулах зөвшөөрлийг цуцлах саналыг Нийслэлийн автозамын хөгжлийн газарт хүргүүлсэн байна.