Манай улс газрын тосны бүтээгдэхүүний дотоодын хэрэглээгээ 100 хувь импортоор хангадаг тул гадаад зэх зээлд нефтийн ханш буурч байвал манайд ашигтай. Харин ханш нь нэмэгдсэн тохиолдолд шатахууны үнэ автоматаар нэмэгддэг хуультай билээ. Тэгвэл өнөөдөр өглөөний байдлаар брент төрлийн газрын тосны үнэ 0.15 хувиар буурч, баррель нь 63.7 ам.доллар болжээ. Харин WTI маркийн газрын тосны үнэ 0.53 хувиар буурч, баррель нь 60.32 ам.доллар болжээ.

Брент маркийн газрын тосны үнэ баррель тутамдаа 70 ам.доллар дөхөж, ханш нь гурав дахин нэмэгдээд байсан билээ. Үнийг уг өсөлтөд коронавирусийн эсрэг вакцинжуулалт эхэлж, улс орнуудад хорио цээрийн дэглэм суларч, түлшний эрэлт өсөх төлөвтэй байгаа нь нөлөөлж буй гэж мэргэжилтнүүд үзсэн. Тэгвэл зарим улс орнуудад вакцинжуулалт удааширч байгаа нь газрын тосны үнэ ийн буурахад нөлөөлсөн байна.