ДЭМБ Хятадын коронавирусийн эсрэг "Синофарм" вакциныг яаралтай тусламжийн үед ашиглах зөвшөөрөл олгожээ. Коронавирусийн эсрэг Модерна, ПФайзер, Жонсон ба Жонсон зэрэг вакциныг ДЭМБ хүлээн зөвшөөрсөн бөгөөд тус вакцин нь зөвшөөрөгдсөн Азийн анхны вакцин болжээ. "Синофарм" вакцины сөрөг нөлөө болон эерэг нөлөөний талаар мэдээлэл бага байсан бол Дэлхийн эрүүл мэндийн байгууллага тус вакциныг сөрөг нөлөө багатай, үр дүн сайтай гэж дүгнэжээ. Тус вакциныг хүлээн зөвшөөрснөөр эрсдэлт нөхцөлд ажиллаж буй эрүүл мэндийн ажилчид болон эмзэг бүлгийн хүмүүсийг хамгаалахад чухал нөлөөтэй гэж үзсэн байна. 

Уг вакциныг 18-аас дээш насны хүмүүст хоёр удаагийн тунгаар тарьснаар коронавирусийн эсрэг дархлаа тогтоно гэж заажээ. ДЭМБ коронавирусийн эсрэг Хятадын өөр нэгэн вакциныг судалж буй бөгөөд ОХУ-ын "Спутник V" вакциныг хүлээн зөвшөөрөх талаар судалгааг хийж буй аж.