Сэлэнгэ аймгийн Сант сумын Ивэн багийн Орхон голын гүүр гэдэг газарт Орхон голын усанд нэг том хүн, хүүхэд осолдсон тухай дуудлагыг өчигдөр 17:58 цагт аймгийн Онцгой байдлын газар хүлээн авчээ.

       Дуудлагын дагуу тус аймгийн Онцгой байдлын газрын Сайхан сум дахь Гал түймэр унтраах, аврах 61 дүгээр анги, сум дундын Цагдаагийн хэлтсийн алба хаагчид иргэн 23 настай С, есөн настай М нар усанд осолдсон байсан тул осолдсон газраас хойд зүгт Хясаатай-Овоо гэх газар хүртэл голын усаар завьтай, голын эрэг дагуу явганаар нийт 30 клометрт агаараас нисэгчгүй нисэх аппаратаар эрэн хайх ажиллагааг зохион байгуулан ажиллаж ,21:53 цагт түр зогсоосон. Өнөөдрөөс эрэн хайх ажиллагаа үргэлжилж байна.