Баянзүрх дүүргийн 12 дугаар хорооны иргэн У.Мичиддоржийнх сүүлийн долоон жил хашаагаа тохижуулж байна. Түүний хашаа өнгө өнгөөр алагласан цэцгийн мандал, өөрсдийн тарьж ургуулсан хүнсний ногоо, бутлаг ургамлаар дүүрэн байдаг. Намрын адаг сар гарсан учир цэцэгс хагдарч, ургац хурааж дууссан гэлээ. У.Мичиддоржийнх хүн хөдөлмөрлөж чадвал хашаандаа сайхан амьдарч үр шимийг нь заавал хүртдэг гэдгийг өөрийнхөө амьдралаар харуулж, бусдад үлгэр жишээ болж чадсан нэгэн гэр бүл юм. Тэрбээр хувиараа бизнес эрхлэх, цэцэг ногоо тарих зэрэг хашаандаа хийж болох бүхий л ажлыг цаг тухайд нь амжуулж, хийж гүйцэтгэж яваа хөдөлмөрч гэр бүл билээ.