Увс аймгийн Улаангом сумын Бага нуур гэх газраас сураггүй болсон хоёр настай охины талаар тус сумын Засаг даргаар тодрууллаа. Өчигдөр буюу есдүгээр сарын 18-ны өдрийн 18:05 цагт хоёр настай эмэгтэй О тус сумын наймдугаар багаас сураггүй болсон. Охин гэрээсээ гараад төөрч шөнөжин алхсан бөгөөд сураггүй болсноос хойш 16 цагийн дараа буюу өнөөдөр өглөөний 10:20 цагт охины гэрээс найман км зайд орших Шат гэх газар малаа гаргаж байсан малчин олж, цагдаагийн байгууллагад дуудлага өгчээ. Одоогийн байдлаар охиныг эрүүл мэндийн байгууллага, гэр бүлийнхэнд нь хүлээлгэж өгөөд байгаа бөгөөд биеийн байдал нь хэвийн байгаа гэнэ.