Говь-Алтай аймгийн Онцгой комисс хуралдаж, хөл хорио тогтоох шийдвэр гаргажээ. Арваннэгдүгээр сарын 11-17-ныг хүртэл сургууль, цэцэрлэгийн үйл ажиллагааг зогсоосон байна.  Мөн тус аймаг руу орох, гарах хөдөлгөөнийг хязгаарлажээ. Монгол Улс коронавирусийн халдварыг дотооддоо алдсантай холбоотойгоор уг арга хэмжээг аваад байгаа юм. Тодруулбал, Алтанбулаг боомтоор орж ирээд 21 хоног тусгаарлагдаад гарсан ачаа тээврийн жолооч болон түүний эхнэрээс коронавирусийн халдвар илрээд байна. Одоогоор тэднийг ХӨСҮТ-д тусгаарласан. Мөн ойрын хавьталд орсон хүмүүсээс шинжилгээ авч, явсан замын маршрутыг гаргаж, ойрын зайнд байсан хүмүүсийг илрүүлэх ажиллагаа явагдаж байна. Шинжилгээнй хариу хоёр цагийн дараа гарна.