Хэнтий аймгийн Цэнхэрмандал сумын төвөөс урд зүгт 20 километрт байх Баянмод багийн “Эмгэн толгой” гэдэг газраас 50 настай, эмэгтэй О энэ сарын 8-нд сураггүй болжээ. Гэхдээ сураггүй болсон тухай мэдээллийг Онцгой байдлын албанд энэ сарын 20-нд өгсөн байна. Дуудлагын дагуу тус аймгийн Онцгой байдлын газрын Эрэн хайх, аврах салбарын алба хаагчид, сумын Засаг даргын Тамгын газрын ажилтнууд Баянгол багийн  “Бөртэ толгой”-гоос “Цагаан хөтөлийн-Адаг” гэдэг газар  хүртэл нийт 16.3 километр зайд явганаар, “Өлийн даваа”, “Цагаан хөтөл”, “Бэрх уулын-Энгэр”-ээр дроноор 10 километрт эрэн хайх ажиллагааг зохион байгуулж, 17:00 цагт түр зогсоосон байна. Эрэн хайх ажиллагааг дахин өнөө өглөө 07:30 цагт эхлүүлжээ.

Эх сурвалж: ОБЕГ