Хөвсгөл аймгийн Улаан-Уул сумын Шивлэг багийн Угалзын мараат толгой гэх газарт 3.9 магнитудын хүчтэй газар хөдөлжээ. Тодруулбал, өчигдөр буюу наймдугаар сарын 23-ны 16:39 цагт сумын төвөөс баруун урд зүгт 84 километрт өргөрөг нь -50°48’00.0″, уртраг нь -98°02’24.0″-т газар хөдөлсөн байна.

Хөвсгөл аймгийн Онцгой байдлын газраар дамжуулан тус сумаас тодруулах гэсэн боловч 08.19-22-ны өдрүүдэд орсон борооны улмаас шилэн кабел тасарч, үүрэн холбооны сүлжээгүй тул мэдээлэл авах боломжгүй байгаа юм. Харин Улаан-Уул сум дахь Хилийн 0298 дугаар салбарын холбооноос тодруулахад чичирхийлэл мэдрэгдээгүй бөгөөд учирсан хохиролгүй гэж мэдээлэв.