Хөвсгөл аймагт орших Дэлгэр мөрөн рүү сэлэхээр үсэрч, живсэн эмэгтэйн цогцсыг олжээ. Тодруулбал, энэ тухай дуудлага, мэдээллийг өчигдөр буюу наймдугаар сарын 22-ны өдрийн 18:55 цагт ОБЕГ хүлээн авсан. Дуудлагын дагуу Онцгой байдлын газрын алба хаагчид нэг километр зам туулж, Хөвсгөл аймгийн Мөрөнсумын Эрчим багийн Задгай гэх газарт тухайн өдрийн 18:59 цагт очиход Мөрөн суманд орших Дэлгэр мөрний эрэг дээр хоёр хүн зугаалж байснаас нэг нь сэлэхээр ус руу үсэрч, живсэн байжээ.

          Улмаар Онцгой байдлын алба хаагчид Сүхбаатар дүүргийн харьяат 29 настай эмэгтэй О-гийн цогцсыг анх осолдсон газраас зүүн тийш 20 метр газраас олж, Хөвсгөл аймаг дахь Цагдаагийн газрын жижүүрийн бүрэлдэхүүн шилжүүлэн өгсөн байна.