Ховд аймгийн Зэрэг сумын Бургасан багийн Бөөргийн-Ам гэх газар таван өрхийн 26 хүн, 5000 бог мал  Бөөргийн голын усанд боогджээ. Энэ тухай дуудлага мэдээллийг наймдугаар сарын 18-ны өдрийн 17:15 цагт ОБЕГ-т ирүүлсэн байна.

          Дуудлагын дагуу  тус аймгийн Зэрэг сум дахь Гал түймэр унтраах, аврах 70 дугаар ангийн алба хаагчид 15 километр замыг туулан Бамбай гэх газар 19:00 цагт очиж үлдсэн 10 километрийг явганаар туулж, очсон байна. Улмаар наймдугаар сарын 19-ний өдрийн 06:00 цагаас эхлэн иргэн Ж, Н, Б, Г, Д нарын 2000 бог малыг усаар гаргасан бөгөөд усархаг ширүүн бороо үргэлжлэн орсоор байсан тул 21:00 цагт аврах үйл ажиллагааг зогсоож, наймдугаар сарын 20-ны өдрөөм 06:00 цагаас үргэлжлүүлж байна.

М.ЭНХЗУЛ