Дорноговь аймгийн Сайншанд сумын Засаг даргын "Хөгжлийн төлөө хамтдаа-2" үйл ажиллагааны хөтөлбөрийн хүрээнд "Хашаандаа сайхан амьдаръя" санаачилгын дагуу амины орон сууц, гэр хорооллын айл өрхийг төвлөрсөн инженерийн шугам сүлжээнд холбох ажлыг төр, хувийн хэвшлийн санхүүжилтээр хэрэгжүүлж байгаа аж.

   Ийнхүү Сайншанд сумын I, III, VIII багийн гэр хорооллын 60 өрхийг төвлөрсөн цэвэр, бохир усны шугамд холбох ажлыг өнгөрсөн тавдугаар сарын 1-нээс эхэлсэн байна.

  Одоогийн байдлаар гэр хорооллын 17 өрхийг цэвэр усны төвлөрсөн шугамд холбожээ. Ийнхүү цэвэр усны шугамд холбогдсон өрхүүд орон сууцны айл шиг аж төрөхөөс гадна өрхийн тариалан эрхлэх боломжтой болжээ.