Архангай аймгийн нутгаар долдугаар сарын 12-ны өдөр их хэмжээний бороо орж, 32-89 мм хур тунадас буусан байна.

Тухайлбал, тус аймгийн Цэнхэр суманд айлын таван ханатай гэр, дөрвөн хонь урссан. Ихтамир суманд айлын таван ханатай гэр, 181 хонь, 192 ямаа, найман үхэр, Өлзийт суманд гурван айлын гэр, хоёр байшин, хоёр малын хашаа, 11 бог мал, Батцэнгэл суманд таван айлын гэр, хоёр малын хашаа, хоёр автомашин, нэг мотоцикл, 2979 хонь, 1459 ямаа, малын хашаа, “Портер” загварын хоёр автомашин үерт өртөж, урсжээ.

ОБЕГ-т ирүүлсэн нийт мэдээллээр Архангай аймагт 4826 бог мал, найман бод мал, 10 айлын гэр, хоёр байшин, хоёр автомашин, нэг мотоцикл үерт өртсөн байна.