Баянзүрх дүүргийн хэмжээнд иргэнд ээлтэй орчин бүрдүүлэх ажлын хүрээнд явган зам, ногоон байгууламж, авто зогсоол зэрэг цогц тохижилтын ажил эхэлжээ. Тухайлбал,

• Баянзүрх дүүргийн IV хороо 113 дугаар байрны урд 25 гараашийг буулгаж 1329 метр дөрвөлжин талбайд тоглоомын талбай, амарч зугаалах орчин, ногоон байгууламж ,
• Баянзүрх дүүргийн IV хороо 112,114-х байрны зүүн талд 66 гарааш, гурван контейнер нийт 2198 метр дөрвөлжин талбайд ногоон байгууламж, амарч зугаалах талбайтай,
• Орос 14 дүгээр сургуулийн ард байрлах 54 гарааш, нийт 2161 метр дөрвөлжин талбайд явган зам, авто зогсоол, ногоон байгууламж зэрэг цогц тохижилтын ажлыг тус тус гүйцэтгэж байгаа аж.

Тохижилтыг Баянзүрх дүүргийн Хөрөнгө оруулалт бүтээн байгуулалтын төвийн залуус иргэдээс ирүүлсэн санал, хүсэлтийн дагуу гүйцэтгэж байгаа юм байна.