БНСУ-ын Чүнчонь олон улсын хүүхдийн гар зургийн уралдаанд найман улсын 13 хотын 7-12 насны сурагчид нийт 684 бүтээлээрээ оролцсон. Улаанбаатар хотоос нийт 18 бүтээл оролцсоноос долоо нь шагналт байранд шалгарсан байна. Уралдааныг цар тахлын энэ үед харилцаат хотуудын хамтын ажиллагааны хүрээнд цахим хэлбэрээр зохион байгуулсан юм.  Тус гар зургийн уралдаанд идэвхтэй оролцож, амжилт гаргасан сурагчдыг Нийслэлийн Засаг даргын орлогч Ж.Сандагсүрэн өнөөдөр хүлээн авч уулзан, шагналыг нь гардуулжээ.

Гар зургийн уралдаанд 23 дугаар сургуулийн 6д ангийн сурагч А.Гэгээн тэргүүн байр, 69 дүгээр сургуулийн 2г ангийн сурагч Э.Сарнай, 32 дугаар сургуулийн 5в ангийн сурагч Х.Жадамба нар урамшуулалт байранд шалгарлаа. Мөн 52 дугаар сургуулийн 4д ангийн сурагч Т.Мишээл, нэгдүгээр сургуулийн 6г ангийн сурагч А.Ариунсайхан, 18 дугаар сургуулийн 6а ангийн сурагч Э.Индэръяа, 24 дугаар сургуулийн 3б ангийн сурагч Э.Баярзул нар тусгай байранд шалгарсан юм.

Тэргүүн байр эзэлсэн 23 дугаар сургуулийн 6д ангийн сурагч А.Гэгээний бүтээл