Ховд аймгийн байгаль хамгаалагчид өнгөрсөн 2020 оны арваннэгдүгээр сарын 8-нд далавчиндаа шархадсан Хотон шувааг олж, биологич, экологич Ц.Ганболдод “Нуур хөлдсөн учир гэмтсэн шувуу хөлдөж үхнэ. Та туршлагатай учир дахиад нэг жил өвөлжүүлж өгөөч” хэмээн өгсөн билээ. Ц.Ганболд 2018 онд мөн гэмтэж, бэртсэн хотон шувууг гэртээ өвөлжүүлж, хавар нууранд нь тавьсан юм. Тэрбээр хотон шувуунуудаа Азхүү, Азбаяр хэмээн нэрлэсэн байдаг. Тэгвэл 2020 онд өвөлжүүлсэн Азбаяр хэмээх хотон шувуугаа Хар-Ус нууранд буцаан тавьжээ.