Самар түүх зөвшөөрлийг ургацын хэмжээнээс хэтрүүлэн өгснөөс болж хэрэм идэх самаргүй болж байгаа талаар “Тэнгэрлэг Монголын газар шороо” ТББ-аас мэдээлэл хийлээ. Тэдний зүгээс Байгаль орчин, аялал жуулчлалын яамд самар түүх зөвшөөрлийг зогсоох шаардлага хүргүүлж байгаа аж. 

Энэ талаар тус байгууллагын Удирдах зөвлөлийн гишүүн Г.Өнөрхуяг “Байгаль орчны яамны сайд самар түүх шийдвэрийг өөрчлөхгүй бол хуш мод хэцүүдэж, хэрэм идэх самаргүй болно. Цаашлаад ой мод сүйднэ. Хуулиндаа самар түүгчид самарны 50 хувийг авна гэж заасан. Өөрөөр хэлбэл, 10 самар байхад тавыг нь авах журмаар явах ёстой. Гэтэл өнөөдөр самарчид бүх самрыг нь түүж, мөнгөний төлөө улайрч байна.Үүнийг л бид эсэргүүцэж, самар түүх зөвшөөрлийг зогсоохыг шаардаж байна” гэлээ.