Эрүүл мэндийн яамны ахлах шинжээч Д.Нарангэрэл дархлаажуулалтын талаар мэдээлэл өглөө. Тэрбээр “Манай улсын хувьд АстраЗенека үйлдвэрийн вакциныг хэрэглэж байгаа. Халдварын голомтод ажиллаж байгаа 16 байгууллага буюу эмнэлгийн ажилтан, онцгой, цагдаа зэрэг хүчний байгууллага, мэргэжлийн хяналтын ажилчдыг нэн тэргүүнд дархлаажуулж байгаа.

Вакцинжуулалтад хамрагдсан нийт хүний 21.5 хувьд халуурах, толгой өвдөх, тариулсан газар хөндүүрлэх, үе мөч өвдөх, ядрах, бие арзайх, дотор муухайрах шинж тэмдэг илэрч байна

Өнөөдрийн байдлаар 6808  хүнийг вакцинжуулалтад хамруулаад байна. Үүнээс 561 нь хариу арга хэмжээний багт ажиллаж байгаа. Вакцинжуулалтад хамрагдсан нийт хүний 21.5 хувьд халуурах, толгой өвдөх, тариулсан газар хөндүүрлэх, үе мөч өвдөх, ядрах, бие арзайх, дотор муухайрах шинж тэмдэг илэрч байна” гэв.