Эрүүл мэндийн яамнаас коронавируст халдварын нөхцөл байдлын талаарх ээлжит мэдээллийг өгсөн. Энэ үеэр өнгөрсөн 24 цагийн хугацаанд вирус судлалын лабораториудад 21 мянга 387 хүнд PCR шинжилгээ хийхэд 33 хүнд коронавирус илэрсэн. Бүгд Улаанбаатар хотод бүртгэгдлээ. Аймаг, орон нутагт халдвар бүртгэгдээгүй.

Шинээр үүссэн сургуулийн голомтоос дөврөн батлагдсан тохиолдол бүртгэгджээ

Эдгээр тохиолдол нь Баянгол дүүрэгт хоёр, Налайх дүүрэгт гурав, Сонгинохайрхан дүүрэгт тав, Хан-Уул дүүрэгт тав, Сүхбаатар дүүрэгт тав гэсэн зургаан дүүрэгт бүртгэгдсэн байна. Тэгвэл уг 33 тохиолдлын 29 нь хавьтал судлалаар, дөрөв нь шинээр илэрсэн голомтод бүртгэгджээ. Ингэснээр улсын хэмжээд коронавирусийн 2200 батлагдсан тохиолдпол бүртгэгдсэн. Үүнээс 1618 иргэн эмчлэгдэж, эмнэлгээс гараад байна.