ЭМЯ-наас коронавирусийн халдварын нөхцөл байдлын талаар мэдээлэл хийлээ. Энэ үеэр УОК-ын шуурхай штабын дарга Б.Ууганбаяр "Улсын хэмжээнд 34 тусгаарлах байранд одоогийн байдлаар 1753 хүн байна. Сүүлийн 24 цагийн байдлаар 70 иргэн тусгаарлагдаж, 123 иргэн гэрийн ажиглалтад шилжлээ. Тусгаарлах байранд 240 төрийн албан хаагч үүрэг гүйцэтгэж байгаа. ХСҮТ-өөс 79 иргэнийг "Тэмүүжин" зочид буудал тэргүүтэй тусгаарлах байранд шилжүүлсэн. Мөн Цэргийн төв эмнэлгээс 11 иргэнийг шилжүүлж, тусгаарласан байгаа. "Амар", "Улаанбаатар" зочид буудал, гэрийн тусгаарлалтад байсан тодорхой тооны иргэнийг ХӨСҮТ-д шилжүүлж, тусгаарлалаа" гэлээ.